الظلم ساعات والعدل عمرا كاملا

1. 

   ما قالو يوم واحد دخل
   وسنتنا خلفت البِكر
   
   واسعارنا لسع في السما
   بتزيد عشان تصل القمر
   
   وانا والقمر قاعدين تحت
   في النيل مشاركني السمر
   
   وشبابنا هجا من البلد
   والباقي ساعي ورا السفر
   
   وشيابنا ماسكين البلد
   من نصها وضهرا انكسر
   
   وجنيهنا واقع في الارض
   وفساد مسيطر ومنتشر
   
   وانا ما كل ما اكتب حرف
   القي الحروف جات تعتذر
   
   انا اكتب ايه انا ولا ايه
   وبلدنا ما زالت صفر
   
   لا قادره ترجع لي ورا
   لا راضيه تتقدم شبر
   
   مخنوقة من كل الجهات
   والناس تلوك فوق الصبر
   
   لما الصبر بقا لينا زاد
   والحال كما هو ما بيسر
   
   انا خايف الوطن العظيم
   باكر يحفرولو القبر
   
   احسن نلوك تاني السكوت
   والبينا يفضل برضو سر

   حقيقه هذه الكلمات اعجبتي جدا حيث تجسد واقعنا اليوم  من طموحات بلا سقف يحدد اولياتنا وبين سطوه النظام الفاسد ومساهمته في صناعه البشاعه وفق معطياته .

   نحن في الخارج حقيقه وحدنا من يعي الفارق الهائل بين ما يصنعه القاده بشعوبهم وما يصنعه حكامنا في السودان بالشعب المغلوب علي امره.

   وهذا بالتاكيد لا ينفي ان هناك وعي وادراك محسوي في الداخل وقد بدا في التململ ضد الظلم والقهر والاستبداد ولكن كلعاده الكومه السودانيه فقد واجهتهم باسوا انواع القهر والاستبداد ولكن كما هي العاده فات التاريخ دوما ما يعيد نفسه وان كل طالم سيواجه مصيره المحتوم.

   ترقبو مقالاتي الاسبوعيه قريبا ان شاء الله

   محمد نور 

   سيول كوريا الجنوبيه